M‘чам… уште тро

Мораш прво да го погледнеш клипот!

Остај шо кажуваат и не/зборуваат овие од видеово, туку, ќутат бе, мумии. А толку многу мислат дека имаат да кажат, или кажале чинат. На кого ве потсеќа ова, а? Можеш да изнаремпаш милион прашања и извичници да констатираш, комплетираш, редови да корегираш, но…
… Но друго е кога ќе се чуе глас, кога ќе се погледнат очи. Тогаш се има чувство на доверба, некоја блискост или одбивност… сеедно, бар си начисто ебате, ако не друго. Одам така – талкам од клик на клик, читам, препрочитувам, пастирам, линкам, влегувам од замка во офсајд, па ме наткреваат на волеј, па со пет(иц)а, ме дриблаат, дриблам, па пак волеј. Одам и букмаркирам. Сакам се‘ да примам и малку ми е денот, ноќта не е моја, на соништата е ноќта. А мислиш дека тие се твои? Надвор паѓа снег…
Значи гласот: рапав, млитав, баритон, сопран… преку куров – каков сака нека биде гласот важно да струни и бранува нешто човечко. Можеби не е до гласот, може да е до слухот?
Таман имам сега време да го „озвучам“. Ај понатака…

Шутите Шампиони

Почитувани гледачи, започнува Лигата на Шампионите, која за воља на вистината не ни престанала некогаш. Но, пред рекламите…

Абе почна утакмицата да ви ебам тоа рекламите и најавните шпици, небаре не знајме кои се дриблачите, па морало најава. Ц ц ц… да се немало осет бе.

„Лукетми Луке‘‘, Луке то Метрофиле‘‘‘, Метрофиле то Меѕикире‘‘‘‘, Меѕикире то Паоло‘‘‘‘‘, Паоло пуцка џато стативе, џато корнер…!“

Дриблинг. Да бе. Можеме да се пофалиме дека сме сублимат на ПелеБауер а нусот што резултирал од таа комбинација – МарадонКројфовиц…
Ма такви таленти ретко која земја раѓа, вистински виртуози сме ние. И како беше онај филмот за кој се крена галама – Шампионите од Шутка, е овие сигурно би биле Шутите Шампиони (понатаму во текстот „Ш Ш“). Толку вешто „Ш Ш“ се испраксирани во дриблањето, што фудбалер може вода да им носи. Ма овие домицилниве не пијат вода, тие тегнат виски. Господа се бе! И види сега чудо, од тоа ич не им се мати во глава, туку нам ни го матат, а ние им го клатиме. Уф… каква дисциплина – истренирани ни пласираат и каква умешност, ма просто да ти е ќеф да кажеш дека се наши:

Пандев, Пандев…! ма какви Пандев.
Грујо, Грујо…! Бранче, Бранче…!

Бре талентирана нација маме му ебем. И толку се кондиционо спремни „Ш Ш“ што не земаат здив ни на четвртини, полувреме, абе ни тајмаут не земаат. Е сега, има еден момент кога мора да сменат страни ради регуларност, но тоа е на секои 4 години и толку неосетно и исто го прават тоа, што ништо не ни менува, освен што се губи во континуитет. А ние? А ние си аплаудираме на спектаклот што нон-стоп ни се приредува и испекмезени не знаеме со што сме ја заслужиле таа среќа за во нашите редови да имаме вакви дриблачи.
Статистиката во моментот на судискиот тајм-аут ги дава следниве резултати по полувреме за посед на гласност:
28% за ВМРО-ДПМНЕ, наспроти 8% на СДСМ.
27% за …ДПМНЕ, наспроти 13% на СДСМ.
Не е лошо, задоволни се и едните и другите, а и публиката разбира се (аплаудира). Утакмицата продолжува. Првите си дадоа автогол, а вторите во стилот на фер плеј си дадоа два. Ех каква колегијалност, ретко видена на другите терени.
Но, кога сме веќе кај другите екипи во светот – како играат тие и на што се пали публиката? Не од друго, туку се ближи Лигата на Шампионите, а нашите Ш Ш се толку силни и единствени што тешко дека ќе има победник за да го пратиме како претставник. Ма кој ги шиша, вон класа се и онака. Иако бојата на дресот се уште не ни е дефинирана, навивачката песна е позната и оди вака:
Ш Ш ШШШ ШШШШ ШШ…! Ш Ш ШШШ ШШШШ ШШ!….

Види сега какви кондициони подготовки имаат овие од свеЦкава лига: Прават проценка за тоа што и како дозволува нашиот капацитет да восприемаме:

* 10% од тоа што читаме.
* 20%од тоа што го слушаме.
* 30% од тоа што го гледаме.
* 50% од тоа што го гледаме и слушаме.
* 70% од тоа што го говориме.
* 90% од тоа што го говориме и правиме.

Абе губат гарант, бубалици глупи странЦки. Нашите „Ш Ш“ си молчат и си дриблаат, па нема што многу да се чита, чуе, види, а следствено нема и што да говориме ние или да правиме. Е добро де, понекогаш знаат и клизачи да влезат но никогаш намерно, секогаш на топка.

Шааампиони… тата та та та! …
Шааампиони.. тата та та та!…

Жено, давај пивото ете го во замрзнувачот… и цигарите подај ги, ете ги на работна маса.. и глас да не ти слушнам оти почнуваат…!
Уаааа… судија, да ти‘бам жената да т‘ибам!!!

‘Лукетми – Грујо

‘‘Луке – Рада

‘‘‘Метрофиле – Али

‘‘‘‘Меѕикире – Тачи

‘‘‘‘‘Паоло – Бранче

Гордана Јанкуловска

clipped from www.kanal5.com.mk
Скопје, 14 октомври (МИА) – Безбедносната состојба во Република Македонија е стабилна и мирна, изјави министерката за внатрешни работи Гордана Јанкуловска во интервјуто за Радио Слободна Европа.
Сепак, вели таа, ценејќи ги регионалните случувања, тука пред се мислам на финалното решавање на статусот на Косово, сите служби кои имаат надлежности во оваа сфера и натаму продолжуваат внимателно да ги следат безбедносните индикации и да ги разменуваат информациите
blog it

После десет дена:

clipped from www.mia.com.mk
24.10.2007 15:55 Еден полицаец загина, а двајца се ранети во напад кај Танушевци. Еден припадник на граничната полиција загина, а двајца се ранети денеска околу 12 часот и 50 минути кај месноста Кодра Фура во близина на селото Танушевци кога врз џипот со кој оделе во редовна патрола пукале засега непознати лица, потврди МВР.
blog it

Горде – чупче, собирај капаните и лепаците и марш по дома!

постирано: (24 Октомври, 2007 – 17:36)

Назанините и Јас

Free Image Hosting at allyoucanupload.com

Назанин Фатех (Персиски: نازنین فاتحی) е девојка од Курдско потекло која пред две години (на 17 годишна возраст) беше осудена на смрт од Иранскиот суд. Назанин Фатехи во март 2005 година, го избодела до смрт еден од тројцата силувачи кои ја нападнале неа и нејзината 15 годишна внука во некое предградие на Техеран, а  на 3-ти јануари 2006, е осудена на смрт за убиство од Кривичниот Суд на Иранската Исламска Република . Оваа девојка  одлежа две години затвор, чекајќи ја егзекуцијата.
Од другата страна на светот пак, нејзината имењачка Назанин Афшин – Џам (نازنین افشین جم) – родена Иранка која живее во Канада – поранешна Мис на Канада и прва придружничка на  Мис на Светот, покренала кампања за ослободување на Назанин Фатехи. Со петицијата собрани се над 345 000 потписи кои им беа предадени на ОН и на Иранските власти. Конечно Иранскиот суд подлегнува под Меѓународниот притисок. Епилогот е: на 31 јануари 2007 година Назанин Фатех е ослободена под услов да плати $43 000 „крвави пари“на семејството на убиениот силувач, како данок за одземениот живот. И покрај тоа што Иран ја има потпишано Меѓународната повелба која забранува  егзекуција на  лица помали од 18 години, сепак, ја продолжува практиката на егзекуции на малолетни лица. Тука е крај на приказната.

Можеби ви е познато ова, но зошто е насловот на постот „Незанините и Јас“?

Додека гуглав на нет за да ги дознаам сите информации и се потпишав на многу петиции врзани за слични случки, се пронајдов како трчам по приказна. Да бе, како некое петпарачко чкрабоманче, кои на толку наврати сум го кудел, се препознав како еден од нив. Без разлика што чувствував огромен гнев додека ја читав потресната приказна за Назанин Фатех, без разлика што се воодушевував на Назанин – лепотицата и нејзината истрајност во борбата да спаси еден човечки живот, без разлика на моите потписи, без разлика… ЈАС СУМ ЛИЦЕМЕР!
Лицемер сум зашто откако го доистражив случајот, прво што ми дојде на ум беше следново:
– Дали да ја разработам приказната на Назанин на сајтот или овде на блогот…. На кои линкови да обрнам внимание за текот на сторијата да биди различен од другите известувачи? Дали да оди во процедурално, или во пост препорака…?
Каква малодушност, каква хипокризија драги мои, просто не ми се верува каков тек ми зеде мислата. Немам оправдување.
Ми треба помош, дефинитивно!

Цицај Скопско

Не дека му е прв пат на  Грчкиот Kathimerini да чепка зајадливо по Македонија, туку малку исав да се има бе, макар да се премолчи, ако веќе не се сочувствува, па да се покажи Грчката античка не/култура. Еве како D. Rigopoulos ја објаснува преголемата и еуфорична жал што ја манифестираше Македонија за својот Тоше:

– Yes, a state as young as this, established just in 1991, has earned the right to have 26-year-old heroes and to mourn the death of a young man.

Уф колку ниско и колку типично грчки ја спушта топката на својата страна. Ова грчесто лешперче, понатаму, се обидува да ги анализира нашите односи со соседите, па пишал:

– FYROM, after winning the wager of survival under difficult conditions, is trying to stand on its own two feet. The environment is not ideal. Relations are only good with its northern neighbor Serbia. With Albania, they have the issue of the Albanian minority and Bulgaria has accused the country of discriminating against ethnic Bulgarian citizens. With Greece, the country faces the well-known issue over its name.

При крајот, во немоќ, ги кажува скриените мотиви кои стојат за речиси дведеценискиот измислен проблем:

– Како е можно толку мала и пријателски настроена држава спрема Грција да ја завртиме против себе… И instead of turning it into a potential satellite, we have turned it into a problem.

Но, сепак наоѓа трунка надеж за индиректно решавање на ситуацијата во Грчка полза, па заклучува:

– If, however, this has allowed us to become the biggest foreign investors in the country, then there is still room for progress.

За да кулминира:

(And – who knows? – maybe Proeski’s successor will be singing in Greek)
– Кој знае? – можеби наследникот на Проески ќе пее на Грчки.

Тука за целата колумната.

Јас само на кратко ќе му порачам на D. Rigopoulos:
– Абе грче, Ние до сега сме играле и српско, бугарско и грчко оро, па фала богу нашето не сме го заборавале, но вие таа песна ќе ја слушнете само на оној свет, каде што нема јазици… ако веќе и таму нешто не се побуните. Твојата нервоза – Ефенди малага, е доволен знак дека сето ова е од немај-каде.
Ајде сега цицај Скопско од мало шише и тренирај за тој поголемиот сисое што те чека.