Ribaro MK

Македонија 2010 vs. Скопје 2014

ribaro — Thu, 04 Mar 2010 23:48:13 +0000

Филмот кој го живееме. Клипот е на предллог на Фејсбук групата: „Македонија 2010 vs. Скопје 2014“. Сите фотографии и видео сцени се на предлог на членовите на групата, а музиката е reverse од онаа… другата.

btw. влог-пост во чија реализација воопшто не уживав.

КГБ – проект, Скопје 2014

ribaro — Thu, 11 Feb 2010 20:36:23 +0000

Нема сценарио. Тука сè се одвиваше онака, како што е претскажано од тројцата творци, визионери, апостоли на модерното време, во кое урбаниот хаос си го наоѓа своето место. Паско К. Никола Г. Вангел Б. се имињата чии иницијали се врежаа во тој визионерски проект кој ќе и пркоси на…

Во влог постот се користени:
видео од ТВ A1, фотографии од Мите Кузевски, анимација на goanimate.com/, а позајмен е трејлерот на Stargate!

Интро

ribaro — Wed, 06 Jan 2010 20:05:39 +0000

Кратко интро со досегашните влог постови

Обука за Интернет огласување, интервју со Дарко Булдиоски

ribaro — Mon, 30 Nov 2009 14:09:06 +0000

Во петок, 11-ти декември 2009 год. во организација на Центарот за нови медиуми ќе се одржи обука: Основи на Интернет огласување. Наталија Трајчевска и Дарко Булдиоски се предавачите на оваа обука што се одржува во Македонија, поточно во просториите на Клубот на новинари во Скопје.

Ексклузивно за овој блог, Дарко Булдиоски – комуниколог и активен учесник во локалната, регионална и глобалната интернет сфера и двигател на многу семинари, конференции од областа на новите медиуми, познат на нет просторот како Дарко156, коавтор на блоговите Комуникации и Интернет маркетинг блог, а од пред две години и асистент на Њујорк Универзитетот Скопје, каде предава вовед во нови медиуми, социјални медиуми и онлајн новинарство, одговори на неколку прашања:

Мислите ли дека во Македонија е создадена критичка маса на консументи за овој начин на промоција?

Зависи за кој тип на производ или услуга станува збор, но сепак за да решите да се рекламирате на Интернет не е потребна голема маса. Потребно е вашата целна публика да е таму и вие да знаете како да ја најдете и да и ја прикажете вашата реклама, се разбира и како да го направите тоа за малку пари со максимален ефект.

Кои се искуствата и ефектите од интернет презентацијата во регионот и пошироко?

Сè зависи од тоа колку добро е подготвена и управувана кампањата. Имам и позитивни и негативни примери. Можностите се големи, како ќе се искористата зависи од познавањето на целокупниот процес и од способноста за адаптирање. Позитивни ефекти и бројки секако дека има. Не секогаш се тие врзни за класичните банер реклами, туку за контекстуалното рекламирање и рекалмирањето на социјалните медиуми. Секој од овие канали носи различен ефект кој треба да се знае, очекува.

За кого е наменета оваа обука?

Интернетот е место како измислено за малите играчи. За компаниите кои немаат голем годишен буџет за рекламирање и за компаниите кои имаат производи и услуги кои се наменети за помала публика до која тешко може да се допре преку масовните медиуми. Токму за нив во прв план е наменета оваа обука. Секако, тука се и поголемите компании кои сега за сега доминираат во нашиот интернет простор кога станува збор за огласувачи, но тие најчесто одат преку своите агенции кои исто така се целна група на оваа обука.

Што повеќе се добива со ефикасна интернет презентација. Која е разликата помеѓу класичниот и интернет маркетингот?

На Интернет можете да го следите однесувањето на вашиот потенцијален купувач со повеќе детали. Може да следите каде се откажал: во процесот на нарачка, во процесот на одлучување… Може да ја видите неговата директна реакција, брзо и едноставно и веднаша да отпочнете некој вид на директна комуникација за да му понудите нешто повеќе и поразлично.

Како се создаде тимот кој стои позади оваа обука?

Како Центар за нови медиуми веќе некое време се подготвуваме за старт со вакви обуки. Едноставно, дојде време и решивме дека може да се започне. Изборот на тоа кој ќе биде активен дел од оваа обука не беше воопшто тежок. Секој од нас во тимот си има свој домен во кој повеќе има искуство и знаење. Јас и Наталија сме поблиски со овие теми, тоа може и да се види и со основањето на емаркетинг блогот. За следните обуки, кои ќе ги има и на други теми, тимот ќе биде друг, зависно од темата секако.

Не ми преостанува ништо друго освен да се надевам дека нема да се пропушти оваа ретка шанса, од прва рака и од искусни презентери, да се навлезе во тајните на интернет презентацијата, што се наметнува како неминовност во време кога пенетрацијата на интернетот и популарноста на социјалните медиуми во Македонија е со вртоглав раст.

За детална агенда околу тоа што ќе опфати оваа обука и потполнување на пријавата за обуката, одете на официјалниот сајт на newmedia.org.mk

Блог Маратон на Gadgeterija

ribaro — Wed, 25 Nov 2009 11:56:57 +0000

Што е БлогМаратон?
Тоа е луд проект на маратонско блогирање.

Кога започнува?
Точно на полноќ во петок, Борис, ќе почни непрестано да пишува постови на својот блог и така ќе шпарта по тастатурата се до сабота на полноќ.

Која му е целта?
Нема цел, ќе го прави тоа што и секојдневно го прави во последните 3 години, но со лудо темпо.

Кој е лудакот кој ќе се нафати на таков предизвик?
Борис го уредува блогот Gadgeterija повеќе од 3 години. Тоа е еден од најпопуларните блогови во Хрватска и регионот, а главно пишува за гаџети, гаџетолики појави и разни интернетски бизарности што го окупираат секој netizen.

Некој ќе тргни на Хималаи, некој во теретана, некој ќе се дави во
алкохол, а некој во дрога. Јас блогирам… и во тоа уживам.

- Борис Радошевиќ човекот блогерот од Хрватска во интервјуто за Netokracija.

Блог маратонот првично го замислил да трае 12 часа, но благодарение на неговата најдрага, која изреагирала како што нормално реагира жена: „12 часа, 12 часа? Биди фраер па пишувај 24 часа…“, ќе трае 24 часа.

Блог маратонот започнува в петок 27-ми ноември во 24.00 часот, завршува на 28-ми во 24.00 часот.

Како да го следите?
Можете да го следите на www.gadgeterija.net
или преку RSS – www.gadgeterija.net/feed
преку твитер – twitter.com/gadgeterija
Ако се одлучите да го следите преку Search на Twitter, Hash tag-от е #BlogMaraton.
Јас ќе следам директен пренос со слика на каналот www.ustream.tv/channel/blogmaraton тоа во случај да не го оптеретат многу воајериштава блогерски .

Среќно Борисе!

Илјада

ribaro — Sun, 08 Nov 2009 00:06:05 +0000

Сакаш да ти напишам илјада стихови

а ни една песна

или бараш илјада песни без стих

можам и двете да ги римувам

но тогаш Ромул ќе е без Рем

… Рим ќе го пуши

а Ромео и Јулија ќе собираат печурки

на дното на Lago di Garda

поевтино ќе им е

ха ха ха… Газданов

смешката мисли Париз е полжав на Москва

ќе потрошам уште илјада зборови за пар чевли

тоа не значи дека ќе продадам нешто

значи дека 1к зборови отишле у пичку матер

и толку + некое гравче од недоџвакана Орбит

… можеби само два-три не римувани стиха

мислеле да бидат хаику

ги заебала должината

должината секогаш е

заебана семантика

Онака

ribaro — Tue, 20 Oct 2009 23:18:24 +0000

да читнев сакам

онака не обавезно

ќе те пишам тогаш

онака не обавезно

да искрвариш в рака

онака не обавезно

ќе одам од квака на квака

онака не обавезно

да молам да молиш

онака не обавезно

ќе се створиш

онака не обавезно…

BlogDay 2009

ribaro — Mon, 31 Aug 2009 21:34:02 +0000

What is BlogDay?

BlogDay was created with the belief that bloggers should have one day dedicated to getting to know other bloggers from other countries and areas of interest. On that day Bloggers will recommend other blogs to their blog visitors.

With the goal in mind, on this day every blogger will post a recommendation of 5 new blogs. This way, all blog readers will find themselves leaping around and discovering new, previously unknown blogs.

Мојот избор во после твитер (a.tw.) ерата, падна на овие неколку блогови:

Многу не благодарна работа да се изберат само 5, но…

Инструкциите за правилно одбележување на ова блог meme се:

BlogDay posting instructions:

Find 5 new Blogs that you find interesting
Notify the 5 bloggers that you are recommending them as part of BlogDay 2009
Write a short description of the Blogs and place a link to the recommended Blogs
Post the BlogDay Post (on August 31st) and
Add the BlogDay tag using this link:
http://technorati.com/tag/BlogDay2009
and a link to the BlogDay web site at http://www.blogday.org

Провоцирам Insomnia

ribaro — Tue, 18 Aug 2009 22:28:35 +0000

Несоница – insomnia е целта на овој видео пост (влог пост), а провокацијата е да мотивира. Се роди случајно, после една дискусија со моите пријатели на твитер.

Навикнавме да не пукаат, да не плукаат. Дозволивме да ни перат мозоци, навикнавме да се скриеме за да не провоцираме. Навикнавме за да сме како пример на добро поведение, а овие одавде – од западна трибина, нè газат, нè шамарат, а сега и дома ни влегуваат и не тепаат. А ние пееме и играме, иронизираме, симболизираме и саркастично полемизираме. Токму затоа…

Ќе хибернираме ли уште и до кога?

Еве, јас провоцирам!

Ако сакате, можете преку овој линк да оставите белешка директно на видео клипот. Ова не сум го пробал до сега, па ме интересира вашата реакција и дали и како фукнционира опцијата invite others to add annotations.

п.с: Во зависност од тоа од која локација сте пристигнале на блогот, текстот може да е или на кирилица или на латиница. Имате избор на писмо од десната колона на блогот.

Сценарио:

Важно – не важно, важно – не важно…
Си ги поставуваме приоритетите во зависност од индивидуалните потреби, многу нормално. Но кога станува збор за некои есенционални прашања, тогаш е многу интересно да се развие нормална дискусија. Колку сега во ова време на брз проток на информации е можно да се задржи концентрација на внимание на еден настан, или можна ли е нормална дискусија?
Кој знае што ме натера и како дојдов до ова, па дента пред да се случи дивеењето на хулиганите во Нерези, почнав дискусија на твитер за:
Што ми ја ускрати радоста на фантастичните 9.58
Ајде од почеток
Мојата прва реакција за Соопштението беше на твитер со следниот коментар, па следеа и реплики.
Што ги натерало организаторите на погорното Соопштение? Од што се исплашени овие луѓе. Имаше коментари дека намерно не сакале да провоцираат реакција од навивачите кои евентуално би биле агресивни. Зошто би реагирале навивачите агресивно, кон собирачите на потписи за Референдумумот? Зошто тие би се поистоветиле со изградбата на верските храмови на плоштад, контра евентуалниот референдум? Можеби, зашто се лесни за манипулација. Многу блиску до вистината. Тарчуловски го крка во Хаг сосема случајно. Но дали неговото навијачко педигре е доволен поттик за да се огледа некој недоквакан хулиган на него? И јас сум страстен навијач. Бев на плоштад пред утакмицата Македонија – Шпанија. Се одрав на стадион, камуфлиран во државните бои. Некои преднастани не ми дозволија комплетен впечаток, но веќе навикнав на потпикувања, како и впрочем сите. А како дозволивме да навикнуваме на потпикнувања и куропецања?
Навикнавеме да не пукаат, да не плукаат, дозволивме да ни перат мозоци, навикнавме да се скриеме за да не провоцираме. Навикнавме за да сме како пример на добро поведение, а овие одавде – од западна трибина не газат, не шамарат, а сега и дома ни влегуваат и не тепаат. А ние пееме и играме, иронизираме, симболизираме и саркастично полемизираме. Токму затоа требаше токму на плоштад за време на навивачкиот собир да се расположат масите за собирање на потписи за референдум. Една толпа на хулигани и извикани правоверници успева да не анатемиса за антипатриотско расположение. Да, успева кај колебливците да се наметнат дека тепачите и плукачите се храбрата патриотска македонска нишка, а ние сме платеници и предавници, хушкачи и петоколонаши. Со мојата пасивност сега, се чувствувам виновен за огромниот број колебливци, како што се чувствував виновен и во 2001 вата
Како беше она? Да не провоцираме за да не се повтори 28-ми март, па сега да ги носиме на душа Геро и Милчин. А што провоцираа тепаните во Нерези. Абе на сред Карпош, толпа влегува во домови и малтретира, толчи мајки и трауматизира деца. Да, мене радоста ми се ускрати, но на луѓето му се зеде спокојството и светоста на домот!
Еве, јас провоцирам! што мислите, кој има мадина да испровоцира место нас? Колумните на гревчето Влатко Ѓорчев, дволичната Теута Арифи, војводата Тачи, Жерновски, умислениот Шема или некој пратеник од внатрешноста зинат за дневница и патни трошоци од 7000 ден. Кур ги боли нив за нас! Затоа Јас си провоцирам за да имам мир во својот дом, неискршен излог, не издупени гуми и не скршена глава, провоцирам за да имам мирна како што имам чиста душа, провоциирам за да имам корка леб, покрив над глава, 10 дена заслужен одмор, провоцирам за да ве испровоцирам да провоцирате и вие.

За аирлија

ribaro — Sun, 12 Jul 2009 21:08:05 +0000

Релација: ribaro.blog.com.mk → ribaro.mk

Тука ништо не е објективно, нема тука ни иновации, мудрости… Сè е измислено одамно. Овде, ова, е обид да се прецрта нацртаното, издума думаното, чуе слушнатото, види виденото низ паралелни огледала. Не за да се огледаме, туку да се видиме до каде сме и што уште не сме. А не сме многу што, верувајте. Копајќи низ тоа што уште не сум бил се судрувам со самиот себе.

Да, тука, на овој блог со амбиција за влог се чувствувам како Рибаро – пецарош, ловец на својот улов, на сè што мислам дека ми припаѓа, а ми припаѓа сè! Никогаш зависен, секогаш недоречен и понекогаш суетен, во недостаток на амбиција ринкам во себе за да се насукам подлабоко во Вас, за да скокоткам, искрам, пецкам, море здраво да пенетрирам, онака УХ-АХ во ритам: Туп-Туп-Тупа-Тупа-Туп-Туп-Тап…

Па бујрум, на една чашка различно спакувана искреност.

Модерен Хајд парк – Рибаро во Фокус

ribaro — Fri, 15 May 2009 15:45:28 +0000

http://Како се злоупотребува интернетот за политички цели.com

Рибаро: Денес е многу тешко да замолчиш некого на Интернет, а уште потешко е да се најде некој кој има да каже нешто.

Пред околу 4 месеци македонската јавност буквално ја размрда еден клип на македонски блогер, објавен на јутјуб – „ Именденска б.б“ – линк, во кој од инсерт на филм со Хитлер, дијалогот помеѓу актерите беше преведен на македонски, но тој не беше директен превод, туку парафразиран, а главните актери беа премиерот и дел од неговиот владин кабинет. Клипот беше објавен во пикот на масовното рекламирање на Владата во скоро сите медиуми, кога мнозинството од медиуми беа безгласни букви и кога Европскиот парламент реагираше на недостиг од слобода на говор во земјава и опасноста, ако ситуацијата не се подобри, тоа да остане уште еден, нов критериум за влез на земјава во Европската унија.

Дали Интернетот остана нов и засега единствен простор во Македноија кој гарантира слобода на говор,односно слобода на изразување и место каде што секој може да си го каже своето мислење без страв од цензура, од притисоци, закани, тужби? И дали во пракса е така? До каде оди таа слобода? Или и интернетот е „благо“ контролиран, како и сè друго во нашите животи? А, од друга страна дали таа слобода значи дека само небото е лимит?

Клип во знак на револт против политичкиот режим

Јане Ѓорѓиоски, познат во блогерската сфера во Македонија како Рибаро е човекот кој го направи клипот „Именденска б.б“ Иако го прашавме дали сака да биде цитиран како Јане или како Рибаро, тој немаше никаков проблем со тоа:
- Може да ме цитирате како сакате. Веќе ме знаат и како Јане и како Рибаро. А немам и што да кријам, одговори тој.

За Рибаро, повод за објавување на клипот беше писмото на Слободан Томиќ, водителот на емисијата „Гласот на народот“ до премиерот Никола Груевски. Но тоа писмо за Рибаро било само уште една капка во веќе преполнетата чаша. Пред 4 месеци македонските медиуми беа преплавени со рекламни кампањи и акции од страна на Владата. Тој вели дека така постапил зашто не чувствувал дека новинарите нешто превземаат за таквата ситуација.
- Имав едно мачно чувство на омаловажување на својот народ, кое и покрај мојот агностицизам никако не можам да го простам. Една непојмлива летаргија зачинета со агресивна „букефалистичка“ кампања на рунтавите семакедонци, што провејува во државните медиуми. Тоа за жал не е фикција, туку документарец кој го живееме.

Рибаро тврди дека по објавувањето на клипот немал директни закани или обиди за цензура на неговиот блог и воопшто врз неговата слободаза изразување на Интернет.
- Добив само неколку непотпишани и-меијл пораки со навредлива содржина кои се нормална реакција , не само за клипот, туку воопшто за изнесен став во пост или во коментар. Не ги сваќам сериозно бидејќи тие се повторуваат во зависно од темата што ја обработувам, вели тој.
на тоа како ја доживува слободата што ја дава Интернетот, Рибаро коментира:
- Можам и се изразувам слободно. Но тоа исклучиво се должи на медиумот преку кој сум избрал да се артикулирам – Интернетот. Денес е многу тешко да замолчиш некого на Интенет, а уште потешко е да најдеш некого кој има да каже нешто. Парадоксално е што ниту со еден закон не се негира или ограничува слободата на говорот, па колку и да сака тоа некој да го прикаже или признае. Прашањето е зошто никој не го говори тоа што го мисли, туку тоа што другите сакаат да го слушнат? Во Македонија, граѓаните не се свесни за придобивките од демокатијата, а ако се свесни и страв им е, тогаш не ги заслужуваат!, заклучува Рибаро.

По објавувањето на клипот, поголеми реакции на него имало на фејсбук, отколку јутјуб и на неговиот официјален блог. Тој е изненаден од фактот што за клипот повеќе коментираме и зборувале членовите на фејсбук, отколку блогерите.
- Интересно е тоа што реакцијата на мејнстрим медиумите беше поголема отколку од Интернет заедницата. Никогаш до сега не било така. Ако се спореди бројот на коментари, тоа е погубно за блогосферата и загрижувачки за медиум како што е блогот, кој треба да биде авангарда и коректор на мејнстрим забегувањата, коментира Рибаро.

пишува: Љубица Гроздановска Димишковска

Фокус број: 724 (15.05.2009г.)

п.с. Веб сајтот на неделникот Фокус веќе неколку години е во изработка. Мислам, WTF!?

GOOGLE, please fix this error

ribaro — Wed, 13 May 2009 10:44:50 +0000

GOOGLE, please fix this еrror!

Додаток: Google Translate од денес ( 25.08.2009г) и на Македонски јазик!

Technorati tags: google, translator, error, macedonian, macedonia

Цицај – подкаст

ribaro — Fri, 08 May 2009 15:35:48 +0000

Мојот несуден влог пост од ноември 2008 год. Ама ако, нека го има како подкаст, за да сведочи како еволуирала мислата.

Cicaj

jane ribaro’s Podcast

Се/Сè сјебавме

ribaro — Wed, 22 Apr 2009 15:12:55 +0000

Дајте да се регрутираме, зашто не се издржува веќе.
Да се организираме за да ја досјебиме до даска планетава и тоа одма и сега.. Taа нас ќе не ограничува во фрустрации маме и ебем. Шо се умислува бе таа, да не‘ е единствена, да не‘ и се скрши алот ако и го бапниме цел нуклеарен арсенал шо го имаме или ако ги ставиме сите нафтоносни полиња во функција на максимална искористеност… озон-мозон нешто, туку да се мрчело ебате планетата ебате!? А и сама е крива бе. Нас ураниум од небо не ни падна, нафта не донесе баба ми Цвета од Локвица и не знам какви ли уште не срања, туку таа – планетата Земја, го има тоа во утробата, го произведува, а не знае да го скрие. Е шо сега, ние сме криви шо сме радознали и деструктивни? А земјотресите шо ни ги пушта, а?… мислиш не намерно е тоа што потоа откриваме некои минерали излезени случајно?! Абе ајде, туку не става во искушенија и потоа кабаетот наш е.Планетава наша е патолошки случај со самоубиствени манири (нека кажи некој доктор правилна дијагноза) и од што е кукавица сама да се сјеби ни пика к** во очи и не тера да го сториме ние тоа место неа.

Ме изнервира ебате тоа планетата. Да се пазам сијалицата колку испушта јаглерод диоксид и слично?! Живи срања од типот на редукција на издувни гасови кај автомобилите… Абе еднаш се живее еј… Земјо! И не одам бе никаде за инает, ќе ја испустам и испостам скроз, па дури и тогаш ќе си седам мадро и ќе се ситам – ќе тегнам ладно скопско кај Игор в коперација и сеир ќе мавам!

Туку Hubble нека го мењаат побрзо или нека го преселат подалеку накај Уран, за да види асолно дали ја бива таа „Земја2“ или Gliese 581, а не само да претпоставува, па после да ни ја растури журката со муабет од типот:

- јеби га, млада била планетата (Gliese 581) што ја гледавме – скроз „плава“ ќе да е, значи има вода, ама само тоа има нема земја ич, а и сонцето ќе да е огромно од таа перспектива, па ќе расипува филинг на домашна идила.

Ок бе и за тоа има лек. Генетски ќе се измутираме и место раце – перки, место бели дробови – шкрги, и така се со ред. А што ако се запниме и една Enterprise изградиме на ворп со седишта за едно 4/5 милјарди луѓе и правац петсто осумдес кецот. Одиме на пат, а пред тоа сонди, роботи, едно-друго, извештаи кажуваат дека е рај таму и… курац, лага жива. Не сјебал некој NASA манијакално пореметен координатор на проектот – плод на мајчичка Замја, и ги испревртил резултатите во наша корист(?). И што тогаш, ајде назат, траскај се уште двајстина години по тоа темниците од свемирот. Налет друго, туку кој пак ќе се навикнува на раце и бели дробови – абе маки човечки.

Имам еден друг предлог зашто овај со мутацијава некако сумљив ми се гледа:

- Наместо ние да се селиме од овде и да одиме пичке си материна некаде 20 и кусур светлосни години јабана, да ги пратиме таму животинките.
Арка бе, наместо господ, ние да ја направиме и да изиграваме бог, па нели тоа ни е целта?! Бираме по еден пар од се‘ живо (освен луѓе), ги ставаме во арката, подесуваме апарати за хибернација и храна доволна за толку години колку што треба дури да стасаат и ги транспортираме на сигурно. Друго понатаму на нив е, нека се снајдат мајку му…Делфините ќе ги поставиме како водачи на другите животинки… Ем интелегентни се, ем перки имаат, а и онака не можиме да се разбериме со нив – само нервоза ни прават, па ете им шанса да се докажат. Не да ги потценувам делфините сега, ама абер да се немало од муабет – збор да не се гугнело, туку да се цивкало само некоја фрекфенција, а од друга страна сакаат да ги разбереме? Абе од гревот згора да ги испратиме во тоа арката, башка на високи притисоци отпорни се со тоа меурите или како ли веќе беше тоа, значи и ворпот полесно ќе го поднесат.

Е тогаш, ние овде, удри бригу на весеље ќе истераме и без грижа на совест(?) да ни се јави дека загрозуваме други. Ем ние здраво ќе ја спичкаме планетава, ем ќе ги спасиме тие што вредат да го продолжат видот.

Уф… замисли само каква р‘каница на се живо ќе удриме така олабавени, еј, абе лиги ми течат! Не сега дека нешто се устручаваме, ама замисли на раат да го испуштиме анималното кое го стегаме и загушуваме – лумперај и шо ти јас знам уште не…

По некое време, така утрипан си густирам во самотијата, грицкам лешничиња од оние потпечените кај истата коперација од погоре, а во позадина не оди песна на некој врабец (зашто го испратив на арката последниот пар, а на другите врапци им ебав матер како што ветив дека ќе терам ќефот), туку оди: earth song, а јас паѓам во транс ала Стиви Вондер бидеќи конечно ги заебавме делфините и другите животни.

Technorati Tags: nucler, weapon, oil, hubble, gliese581, enterprise, warp, dolphins, earth, song

Од Cabaret до OZ слободна за симнување

ribaro — Wed, 15 Apr 2009 15:08:18 +0000

Откако Амазонските Прашуми проронаа солзи од цепачите за хартија, а воздух се помалку за цицање, на барање и под силен притисок, како на домашната, така и на меѓународната јавност, мојата книга Од Cabaret до OZ, конечно во електронски формат и слободна за симнување од сајтот на www.cc.org.mk.

Критиката вели: – Видено низ постмодернистичка призма, книгата може да ја сметаме и за структурно разграден роман или новела, а интензитетот на приказните се зголемува прогресивно низ целата книга.
Јбг. и критичарите се живи луѓе и мора од нешто да живеат.

Ако имаш 5 MB за фрлање, клик тука за да ја превземеш книгата.

Додаток: со краток осврт и на: www.metamorphosis.org.mk