Ribaro MK » Став

ВМРО ло-ло-ло…

ribaro — Sat, 03 Jul 2010 16:25:42 +0000

Во овој видео пост: Големото уво на малодушниот братучед во акција. Кој е тој што се дрзнал да им ги ремети херците…?

Или во превод: мојот крик за скандалозниот Орвеолов „Закон за електронски комуникации“.

Објавено во okno.mk - линк

Повик за заштита на приватноста на граѓаните во Република Македонија

ribaro — Thu, 17 Jun 2010 14:04:08 +0000

До

Претседател на Собранието на РМ
Претседател на Владата на РМ
Претседател на Комисијата за транспорт, врски и екологија при Собранието
Сите пратеници во Собранието на РМ
Министерство за транспорт и врски на РМ

Почитувани,

Врз основа на експертската анализа на Предлог-законот за измени и дополнувања на Законот за електронски комуникации, мислењата на релевантните заинтересирани страни, особено невладините организации кои се занимаваат со заштита на човековите права, искажани во јавноста, како и на тркалезната маса „Приватноста во Македонија“ која се одржа на 4 јуни 2010 година во Скопје бараме ваквиот предлог на закон да се повлече од собраниска процедура.
Повлекувањето на ваквиот Предлог-закон е неопходно за да се спречи инвазија врз приватноста на граѓаните во Република Македонија. Во продолжение се наведени дел од причините за тоа:

Со ваквиот Предлог-закон се нарушуваат основните постулати на Уставот на РМ, пред сè член 17, кој ја гарантира неповредливоста на слободата и тајноста на писмата и сите други облици на општење, оти се овозможува отстапување од ова начело без судска одлука, како и член 25 кој гарантира почитување и заштита на приватноста на личниот и семеен живот, на достоинството и угледот.
Со предлог-законот се прекршува Европската конвенција за човекови права и други меѓународни договори ратификувани од Собранието на РМ.
Предлог-законот не е усогласен со одредбите од Директивата 2009/136/ЕК на Европскиот парламент и Советот на ЕУ.
Со предлог-законот неоправдано се проширува основата за следење на комуникациите на граѓаните, наспроти нормите воспоставени со Законот за заштита на лични податоци, Законот за следење на комуникациите и Законот за кривична постапка.
Со предложените измени се воведуваат низа непрецизни формулации со кои се создаваат законски можности за арбитрарна и неограничена примена на прислушкување и други облици на следење на електронските комуникации, без можност за контрола според принципите на транспарентност и отчетност.
Со предлог-законот се овозможува МВР да има „постојан и директен пристап“ до електронските комуникациски мрежи и објектите на операторите на јавни комуникациски мрежи и давателите на јавни комуникациски услуги, како и „услови за самостојно преземање на податоците за сообраќај“, што ќе ја направи Република Македонија една од ретките, а веројатно и единствената земја во светот во која државен орган има такви овластувања, без можности за надворешна контрола.¹
Задолжувањето на операторите „на свој трошок да обезбедат соодветна опрема и интерфејс“ за следење и чување на комуникациите ќе предизвика значителен финансиски трошок врз нивната работа што од една страна може да доведе до зголемување на цената на чинење на нивните комуникациски услуги за корисниците, а од друга страна можност за зголемување на доминантната положба на пазарот на операторите кои имаат значителна пазарна моќ.
Процесот на изготвување на предлог-измените е спроведен на нетранспарентен и неинклузивен начин, без овозможување на учество на релевантните институции (Делегација на Европска Унија во РМ, Дирекцијата за заштита на личните податоци), како и стручната јавност, приватниот и граѓанскиот сектор.

Во прилог на овој повик Ви ги доставуваме следните документи:

Иницијатори

Листа на невладини организации и поединци кои ја поддржаа оваа иницијатива:

НВО

Поединци кои досега искажаа поддршка преку е-пошта

Наташа Јованова
Никола Гелевски
Кристина Хаџи-Василева
Гордан Калајџиев
Ане Тунтев
Јасмина Џуровска
Никола Тупанчески
Сузана Лошковска
Дарко Јаневски
Ферид Мухиќ
Авни Азири
Абдулселам Канзоски
Александар Гелевски
Јован Јовчески
Слободан Јаќоски
Јасна Котеска
Васко Цацаноски
Ива Михајловска
Гордана Бужаровска

…како и над 240 поддржувачи на каузата на Фејсбук (податок од 15 ч, 11.6.2010), чии имиња ќе бидат додадени во финалната верзија на документот.

Доколку ја поддржувате оваа иницијатива, испратете порака преку е-пошта до info (at) metamorphosis.org.mk до 10 јуни 2010 година (четврток) во 12 часот, и точно назначете дали се јавувате во име на организација, институција или во лично име. Иницијативата може да ја поддржите и на Фејсбук, преку каузата:

Текстот е комплетно превземен од Метаморфозис - Фондација за одржливи информатички решенија

п.с. Во меѓувреме Собранието ги усвои Орвеловските законски измени

It’s Oh So Quiet – Шшш…

ribaro — Sun, 06 Jun 2010 16:05:37 +0000

Оваа видео анимација е бура од тишина и поставува неколку дилеми кои се емоционално единствени. Сум заглавил на не/искажаноста на доброто духче и прашувам:
- Дали добриот дух има говорна маана и затоа е недоречен, не разбира овоземски, или навистина колаборира молчешкум мајчиниот?

Објавено во okno.mk – линк

Се обидувам да се замолчам, затоа и дијалозите се сведени на минимум. Колку и дали ќе успеам потполно да се минимализирам останува…

Ловец на сеништата што ги носиме во себе – интервју во Нова Македонија

ribaro — Sat, 22 May 2010 18:12:46 +0000

Дел од интервјуто со мене во „Нова Македонија“, реализирано од Бисерка Велковска-Блажева.

Основно е да имаш желба, софтвер, простор за хостирање и постирање, а сé друго е на совеста на бабарогите, сеништата скриени во плакарите и на монтипајтоните што ги носиме со себе. Токму тоа ми прави најголемо задоволство, а особено аудиоактерската изведба кога си седам дома и реплицирам со мониторот по 120 пати за два реда текст. Сигурно Фројд има најдено нешто фалусоидно во моето општење со мониторот, но секој со својот фетиш.

Линк до интегралниот текст од интервјуто

Оставете го мецената на мир!

ribaro — Fri, 14 May 2010 08:07:02 +0000

Ви текнува на Chris Crocker и неговата Leave Britney alone!? Е, овде главна улога е нашиот Бритни – мецената семакедонски!

Објавено во okno.mk – линк.

Соработка со Okno.mk

ribaro — Wed, 12 May 2010 10:15:00 +0000

Од пред извесно време ribaro.mk воспостави соработка со порталот Окно. Таму ќе бидат постирани видео монтажите и влоговите, a ќе бидат хостирани на мојот youtube канал.

На Окно веќе може да се погледни „Фамилијата – прва епизода“ која, како што се вели во најавата:

„Фамилијата“ е серија, каде причинско-последичните појави играат брканица, а актерите си го побркале англо-италијанско-македонскиот идентитет за сметка на добриот сарказам. Анимираниот филм Рибаро го користи адаптирајќи го врз нашите случувања сценариото од вечниот Алан Форд.

Преводот намерно одбрав да е врзан преку опцијата “Adding/editing captions” што ја овозможува youtube, зашто така (преку Google Translate) е достапен на многу јазици.

Македонија 2010 vs. Скопје 2014

ribaro — Thu, 04 Mar 2010 23:48:13 +0000

Филмот кој го живееме. Клипот е на предллог на Фејсбук групата: „Македонија 2010 vs. Скопје 2014“. Сите фотографии и видео сцени се на предлог на членовите на групата, а музиката е reverse од онаа… другата.

btw. влог-пост во чија реализација воопшто не уживав.

КГБ – проект, Скопје 2014

ribaro — Thu, 11 Feb 2010 20:36:23 +0000

Нема сценарио. Тука сè се одвиваше онака, како што е претскажано од тројцата творци, визионери, апостоли на модерното време, во кое урбаниот хаос си го наоѓа своето место. Паско К. Никола Г. Вангел Б. се имињата чии иницијали се врежаа во тој визионерски проект кој ќе и пркоси на…

Во влог постот се користени:
видео од ТВ A1, фотографии од Мите Кузевски, анимација на goanimate.com/, а позајмен е трејлерот на Stargate!

Провоцирам Insomnia

ribaro — Tue, 18 Aug 2009 22:28:35 +0000

Несоница – insomnia е целта на овој видео пост (влог пост), а провокацијата е да мотивира. Се роди случајно, после една дискусија со моите пријатели на твитер.

Навикнавме да не пукаат, да не плукаат. Дозволивме да ни перат мозоци, навикнавме да се скриеме за да не провоцираме. Навикнавме за да сме како пример на добро поведение, а овие одавде – од западна трибина, нè газат, нè шамарат, а сега и дома ни влегуваат и не тепаат. А ние пееме и играме, иронизираме, симболизираме и саркастично полемизираме. Токму затоа…

Ќе хибернираме ли уште и до кога?

Еве, јас провоцирам!

Ако сакате, можете преку овој линк да оставите белешка директно на видео клипот. Ова не сум го пробал до сега, па ме интересира вашата реакција и дали и како фукнционира опцијата invite others to add annotations.

п.с: Во зависност од тоа од која локација сте пристигнале на блогот, текстот може да е или на кирилица или на латиница. Имате избор на писмо од десната колона на блогот.

Сценарио:

Важно – не важно, важно – не важно…
Си ги поставуваме приоритетите во зависност од индивидуалните потреби, многу нормално. Но кога станува збор за некои есенционални прашања, тогаш е многу интересно да се развие нормална дискусија. Колку сега во ова време на брз проток на информации е можно да се задржи концентрација на внимание на еден настан, или можна ли е нормална дискусија?
Кој знае што ме натера и како дојдов до ова, па дента пред да се случи дивеењето на хулиганите во Нерези, почнав дискусија на твитер за:
Што ми ја ускрати радоста на фантастичните 9.58
Ајде од почеток
Мојата прва реакција за Соопштението беше на твитер со следниот коментар, па следеа и реплики.
Што ги натерало организаторите на погорното Соопштение? Од што се исплашени овие луѓе. Имаше коментари дека намерно не сакале да провоцираат реакција од навивачите кои евентуално би биле агресивни. Зошто би реагирале навивачите агресивно, кон собирачите на потписи за Референдумумот? Зошто тие би се поистоветиле со изградбата на верските храмови на плоштад, контра евентуалниот референдум? Можеби, зашто се лесни за манипулација. Многу блиску до вистината. Тарчуловски го крка во Хаг сосема случајно. Но дали неговото навијачко педигре е доволен поттик за да се огледа некој недоквакан хулиган на него? И јас сум страстен навијач. Бев на плоштад пред утакмицата Македонија – Шпанија. Се одрав на стадион, камуфлиран во државните бои. Некои преднастани не ми дозволија комплетен впечаток, но веќе навикнав на потпикувања, како и впрочем сите. А како дозволивме да навикнуваме на потпикнувања и куропецања?
Навикнавеме да не пукаат, да не плукаат, дозволивме да ни перат мозоци, навикнавме да се скриеме за да не провоцираме. Навикнавме за да сме како пример на добро поведение, а овие одавде – од западна трибина не газат, не шамарат, а сега и дома ни влегуваат и не тепаат. А ние пееме и играме, иронизираме, симболизираме и саркастично полемизираме. Токму затоа требаше токму на плоштад за време на навивачкиот собир да се расположат масите за собирање на потписи за референдум. Една толпа на хулигани и извикани правоверници успева да не анатемиса за антипатриотско расположение. Да, успева кај колебливците да се наметнат дека тепачите и плукачите се храбрата патриотска македонска нишка, а ние сме платеници и предавници, хушкачи и петоколонаши. Со мојата пасивност сега, се чувствувам виновен за огромниот број колебливци, како што се чувствував виновен и во 2001 вата
Како беше она? Да не провоцираме за да не се повтори 28-ми март, па сега да ги носиме на душа Геро и Милчин. А што провоцираа тепаните во Нерези. Абе на сред Карпош, толпа влегува во домови и малтретира, толчи мајки и трауматизира деца. Да, мене радоста ми се ускрати, но на луѓето му се зеде спокојството и светоста на домот!
Еве, јас провоцирам! што мислите, кој има мадина да испровоцира место нас? Колумните на гревчето Влатко Ѓорчев, дволичната Теута Арифи, војводата Тачи, Жерновски, умислениот Шема или некој пратеник од внатрешноста зинат за дневница и патни трошоци од 7000 ден. Кур ги боли нив за нас! Затоа Јас си провоцирам за да имам мир во својот дом, неискршен излог, не издупени гуми и не скршена глава, провоцирам за да имам мирна како што имам чиста душа, провоциирам за да имам корка леб, покрив над глава, 10 дена заслужен одмор, провоцирам за да ве испровоцирам да провоцирате и вие.

Модерен Хајд парк – Рибаро во Фокус

ribaro — Fri, 15 May 2009 15:45:28 +0000

http://Како се злоупотребува интернетот за политички цели.com

Рибаро: Денес е многу тешко да замолчиш некого на Интернет, а уште потешко е да се најде некој кој има да каже нешто.

Пред околу 4 месеци македонската јавност буквално ја размрда еден клип на македонски блогер, објавен на јутјуб – „ Именденска б.б“ – линк, во кој од инсерт на филм со Хитлер, дијалогот помеѓу актерите беше преведен на македонски, но тој не беше директен превод, туку парафразиран, а главните актери беа премиерот и дел од неговиот владин кабинет. Клипот беше објавен во пикот на масовното рекламирање на Владата во скоро сите медиуми, кога мнозинството од медиуми беа безгласни букви и кога Европскиот парламент реагираше на недостиг од слобода на говор во земјава и опасноста, ако ситуацијата не се подобри, тоа да остане уште еден, нов критериум за влез на земјава во Европската унија.

Дали Интернетот остана нов и засега единствен простор во Македноија кој гарантира слобода на говор,односно слобода на изразување и место каде што секој може да си го каже своето мислење без страв од цензура, од притисоци, закани, тужби? И дали во пракса е така? До каде оди таа слобода? Или и интернетот е „благо“ контролиран, како и сè друго во нашите животи? А, од друга страна дали таа слобода значи дека само небото е лимит?

Клип во знак на револт против политичкиот режим

Јане Ѓорѓиоски, познат во блогерската сфера во Македонија како Рибаро е човекот кој го направи клипот „Именденска б.б“ Иако го прашавме дали сака да биде цитиран како Јане или како Рибаро, тој немаше никаков проблем со тоа:
- Може да ме цитирате како сакате. Веќе ме знаат и како Јане и како Рибаро. А немам и што да кријам, одговори тој.

За Рибаро, повод за објавување на клипот беше писмото на Слободан Томиќ, водителот на емисијата „Гласот на народот“ до премиерот Никола Груевски. Но тоа писмо за Рибаро било само уште една капка во веќе преполнетата чаша. Пред 4 месеци македонските медиуми беа преплавени со рекламни кампањи и акции од страна на Владата. Тој вели дека така постапил зашто не чувствувал дека новинарите нешто превземаат за таквата ситуација.
- Имав едно мачно чувство на омаловажување на својот народ, кое и покрај мојот агностицизам никако не можам да го простам. Една непојмлива летаргија зачинета со агресивна „букефалистичка“ кампања на рунтавите семакедонци, што провејува во државните медиуми. Тоа за жал не е фикција, туку документарец кој го живееме.

Рибаро тврди дека по објавувањето на клипот немал директни закани или обиди за цензура на неговиот блог и воопшто врз неговата слободаза изразување на Интернет.
- Добив само неколку непотпишани и-меијл пораки со навредлива содржина кои се нормална реакција , не само за клипот, туку воопшто за изнесен став во пост или во коментар. Не ги сваќам сериозно бидејќи тие се повторуваат во зависно од темата што ја обработувам, вели тој.
на тоа како ја доживува слободата што ја дава Интернетот, Рибаро коментира:
- Можам и се изразувам слободно. Но тоа исклучиво се должи на медиумот преку кој сум избрал да се артикулирам – Интернетот. Денес е многу тешко да замолчиш некого на Интенет, а уште потешко е да најдеш некого кој има да каже нешто. Парадоксално е што ниту со еден закон не се негира или ограничува слободата на говорот, па колку и да сака тоа некој да го прикаже или признае. Прашањето е зошто никој не го говори тоа што го мисли, туку тоа што другите сакаат да го слушнат? Во Македонија, граѓаните не се свесни за придобивките од демокатијата, а ако се свесни и страв им е, тогаш не ги заслужуваат!, заклучува Рибаро.

По објавувањето на клипот, поголеми реакции на него имало на фејсбук, отколку јутјуб и на неговиот официјален блог. Тој е изненаден од фактот што за клипот повеќе коментираме и зборувале членовите на фејсбук, отколку блогерите.
- Интересно е тоа што реакцијата на мејнстрим медиумите беше поголема отколку од Интернет заедницата. Никогаш до сега не било така. Ако се спореди бројот на коментари, тоа е погубно за блогосферата и загрижувачки за медиум како што е блогот, кој треба да биде авангарда и коректор на мејнстрим забегувањата, коментира Рибаро.

пишува: Љубица Гроздановска Димишковска

Фокус број: 724 (15.05.2009г.)

п.с. Веб сајтот на неделникот Фокус веќе неколку години е во изработка. Мислам, WTF!?

GOOGLE, please fix this error

ribaro — Wed, 13 May 2009 10:44:50 +0000

GOOGLE, please fix this еrror!

Додаток: Google Translate од денес ( 25.08.2009г) и на Македонски јазик!

Technorati tags: google, translator, error, macedonian, macedonia

Цицај – подкаст

ribaro — Fri, 08 May 2009 15:35:48 +0000

Мојот несуден влог пост од ноември 2008 год. Ама ако, нека го има како подкаст, за да сведочи како еволуирала мислата.
Cicaj by ribaro

Се/Сè сјебавме

ribaro — Wed, 22 Apr 2009 15:12:55 +0000

Дајте да се регрутираме, зашто не се издржува веќе.
Да се организираме за да ја досјебиме до даска планетава и тоа одма и сега.. Taа нас ќе не ограничува во фрустрации маме и ебем. Шо се умислува бе таа, да не‘ е единствена, да не‘ и се скрши алот ако и го бапниме цел нуклеарен арсенал шо го имаме или ако ги ставиме сите нафтоносни полиња во функција на максимална искористеност… озон-мозон нешто, туку да се мрчело ебате планетата ебате!? А и сама е крива бе. Нас ураниум од небо не ни падна, нафта не донесе баба ми Цвета од Локвица и не знам какви ли уште не срања, туку таа – планетата Земја, го има тоа во утробата, го произведува, а не знае да го скрие. Е шо сега, ние сме криви шо сме радознали и деструктивни? А земјотресите шо ни ги пушта, а?… мислиш не намерно е тоа што потоа откриваме некои минерали излезени случајно?! Абе ајде, туку не става во искушенија и потоа кабаетот наш е.Планетава наша е патолошки случај со самоубиствени манири (нека кажи некој доктор правилна дијагноза) и од што е кукавица сама да се сјеби ни пика к** во очи и не тера да го сториме ние тоа место неа.

Ме изнервира ебате тоа планетата. Да се пазам сијалицата колку испушта јаглерод диоксид и слично?! Живи срања од типот на редукција на издувни гасови кај автомобилите… Абе еднаш се живее еј… Земјо! И не одам бе никаде за инает, ќе ја испустам и испостам скроз, па дури и тогаш ќе си седам мадро и ќе се ситам – ќе тегнам ладно скопско кај Игор в коперација и сеир ќе мавам!

Туку Hubble нека го мењаат побрзо или нека го преселат подалеку накај Уран, за да види асолно дали ја бива таа „Земја2“ или Gliese 581, а не само да претпоставува, па после да ни ја растури журката со муабет од типот:

- јеби га, млада била планетата (Gliese 581) што ја гледавме – скроз „плава“ ќе да е, значи има вода, ама само тоа има нема земја ич, а и сонцето ќе да е огромно од таа перспектива, па ќе расипува филинг на домашна идила.

Ок бе и за тоа има лек. Генетски ќе се измутираме и место раце – перки, место бели дробови – шкрги, и така се со ред. А што ако се запниме и една Enterprise изградиме на ворп со седишта за едно 4/5 милјарди луѓе и правац петсто осумдес кецот. Одиме на пат, а пред тоа сонди, роботи, едно-друго, извештаи кажуваат дека е рај таму и… курац, лага жива. Не сјебал некој NASA манијакално пореметен координатор на проектот – плод на мајчичка Замја, и ги испревртил резултатите во наша корист(?). И што тогаш, ајде назат, траскај се уште двајстина години по тоа темниците од свемирот. Налет друго, туку кој пак ќе се навикнува на раце и бели дробови – абе маки човечки.

Имам еден друг предлог зашто овај со мутацијава некако сумљив ми се гледа:

- Наместо ние да се селиме од овде и да одиме пичке си материна некаде 20 и кусур светлосни години јабана, да ги пратиме таму животинките.
Арка бе, наместо господ, ние да ја направиме и да изиграваме бог, па нели тоа ни е целта?! Бираме по еден пар од се‘ живо (освен луѓе), ги ставаме во арката, подесуваме апарати за хибернација и храна доволна за толку години колку што треба дури да стасаат и ги транспортираме на сигурно. Друго понатаму на нив е, нека се снајдат мајку му…Делфините ќе ги поставиме како водачи на другите животинки… Ем интелегентни се, ем перки имаат, а и онака не можиме да се разбериме со нив – само нервоза ни прават, па ете им шанса да се докажат. Не да ги потценувам делфините сега, ама абер да се немало од муабет – збор да не се гугнело, туку да се цивкало само некоја фрекфенција, а од друга страна сакаат да ги разбереме? Абе од гревот згора да ги испратиме во тоа арката, башка на високи притисоци отпорни се со тоа меурите или како ли веќе беше тоа, значи и ворпот полесно ќе го поднесат.

Е тогаш, ние овде, удри бригу на весеље ќе истераме и без грижа на совест(?) да ни се јави дека загрозуваме други. Ем ние здраво ќе ја спичкаме планетава, ем ќе ги спасиме тие што вредат да го продолжат видот.

Уф… замисли само каква р‘каница на се живо ќе удриме така олабавени, еј, абе лиги ми течат! Не сега дека нешто се устручаваме, ама замисли на раат да го испуштиме анималното кое го стегаме и загушуваме – лумперај и шо ти јас знам уште не…

По некое време, така утрипан си густирам во самотијата, грицкам лешничиња од оние потпечените кај истата коперација од погоре, а во позадина не оди песна на некој врабец (зашто го испратив на арката последниот пар, а на другите врапци им ебав матер како што ветив дека ќе терам ќефот), туку оди: earth song, а јас паѓам во транс ала Стиви Вондер бидеќи конечно ги заебавме делфините и другите животни.

Technorati Tags: nucler, weapon, oil, hubble, gliese581, enterprise, warp, dolphins, earth, song

Влог: Досие – Именденска б.б.

ribaro — Fri, 26 Dec 2008 23:07:43 +0000

Тониќ му испраќа писмо на Премиерот со детали од евентуалното исценирано гостување во емисијата…
Сценариото е обработено од повеќе аспекти и треба да ја прикаже наводната опсесивна љубов на народот спрема својот премиер.
Како дошол предлогот на Тониќ во рацете на интернетџиите…?

Што е превземено…?

Погледни:

(За превод на македонски, клик на стрелката во десниот долен агол на плеерот, и одбери “CC”)

линк, ако сакаш да ја видиш целата содржина на документот за која е врзано сижето во филмот.

Technorati tags: macedonia, premier, hitler, ribaro, youtube, vlog, video, македонија, премиер, хитлер, рибаро, видео, влог, медиуми

Влог: Македонска убавина

ribaro — Thu, 14 Aug 2008 14:57:38 +0000

Распакувана е култната сцена од American Beauty, во обид да…

пс: во соработка со VIP cartoons блогот

линк: Македонска убавина

Technorati tags: macedonia america beauty ubavina vlog short film ribaro македонија убавина рибаро