Ribaro MK

ништо не е наивно, само така изгледа

korica-3-1-1http://Како се злоупотребува интернетот за политички цели.com

Рибаро: Денес е многу тешко да замолчиш некого на Интернет, а уште потешко е да се најде некој кој има да каже нешто.

Пред околу 4 месеци македонската јавност буквално ја размрда еден клип на македонски блогер, објавен на јутјуб – „ Именденска б.б“ – линк, во кој од инсерт на филм со Хитлер, дијалогот помеѓу актерите беше преведен на македонски, но тој не беше директен превод, туку парафразиран, а главните актери беа премиерот и дел од неговиот владин кабинет. Клипот беше објавен во пикот на масовното рекламирање на Владата во скоро сите медиуми, кога мнозинството од медиуми беа безгласни букви и кога Европскиот парламент реагираше на недостиг од слобода на говор во земјава и опасноста, ако ситуацијата не се подобри, тоа да остане уште еден, нов критериум за влез на земјава во Европската унија.

Дали Интернетот остана нов и засега единствен простор во Македноија кој гарантира слобода на говор,односно слобода на изразување и место каде што секој може да си го каже своето мислење без страв од цензура, од притисоци, закани, тужби? И дали во пракса е така? До каде оди таа слобода? Или и интернетот е „благо“ контролиран, како и сè друго во нашите животи? А, од друга страна дали таа слобода значи дека само небото е лимит?

Клип во знак на револт против политичкиот режим

Јане Ѓорѓиоски, познат во блогерската сфера во Македонија како Рибаро е човекот кој го направи клипот „Именденска б.б“ Иако го прашавме дали сака да биде цитиран како Јане или како Рибаро, тој немаше никаков проблем со тоа:
– Може да ме цитирате како сакате. Веќе ме знаат и како Јане и како Рибаро. А немам и што да кријам, одговори тој.

За Рибаро, повод за објавување на клипот беше писмото на Слободан Томиќ, водителот на емисијата „Гласот на народот“ до премиерот Никола Груевски. Но тоа писмо за Рибаро било само уште една капка во веќе преполнетата чаша. Пред 4 месеци македонските медиуми беа преплавени со рекламни кампањи и акции од страна на Владата. Тој вели дека така постапил зашто не чувствувал дека новинарите нешто превземаат за таквата ситуација.
– Имав едно мачно чувство на омаловажување на својот народ, кое и покрај мојот агностицизам никако не можам да го простам. Една непојмлива летаргија зачинета со агресивна „букефалистичка“ кампања на рунтавите семакедонци, што провејува во државните медиуми. Тоа за жал не е фикција, туку документарец кој го живееме.

Рибаро тврди дека по објавувањето на клипот немал директни закани или обиди за цензура на неговиот блог и воопшто врз неговата слободаза изразување на Интернет.
– Добив само неколку непотпишани и-меијл пораки со навредлива содржина кои се нормална реакција , не само за клипот, туку воопшто за изнесен став во пост или во коментар. Не ги сваќам сериозно бидејќи тие се повторуваат во зависно од темата што ја обработувам, вели тој.
на тоа како ја доживува слободата што ја дава Интернетот, Рибаро коментира:
– Можам и се изразувам слободно. Но тоа исклучиво се должи на медиумот преку кој сум избрал да се артикулирам – Интернетот. Денес е многу тешко да замолчиш некого на Интенет, а уште потешко е да најдеш некого кој има да каже нешто. Парадоксално е што ниту со еден закон не се негира или ограничува слободата на говорот, па колку и да сака тоа некој да го прикаже или признае. Прашањето е зошто никој не го говори тоа што го мисли, туку тоа што другите сакаат да го слушнат? Во Македонија, граѓаните не се свесни за придобивките од демокатијата, а ако се свесни и страв им е, тогаш не ги заслужуваат!, заклучува Рибаро.

По објавувањето на клипот, поголеми реакции на него имало на фејсбук, отколку јутјуб и на неговиот официјален блог. Тој е изненаден од фактот што за клипот повеќе коментираме и зборувале членовите на фејсбук, отколку блогерите.
– Интересно е тоа што реакцијата на мејнстрим медиумите беше поголема отколку од Интернет заедницата. Никогаш до сега не било така. Ако се спореди бројот на коментари, тоа е погубно за блогосферата и загрижувачки за медиум како што е блогот, кој треба да биде авангарда и коректор на мејнстрим забегувањата, коментира Рибаро.

пишува: Љубица Гроздановска Димишковска

Фокус број: 724 (15.05.2009г.)

п.с. Веб сајтот на неделникот Фокус веќе неколку години е во изработка. Мислам, WTF!?

Ви се допаѓа? Споделете го со вашите пријатели

Би можело да те интересира:

Коментирај со Фејсбук:

2 Responses so far.

  1. admin says:

    #
    Lost series напиша:

    Еј закон, конечно нешто вредно за читање да излезе во Фокус! Laughing out loud
    15 Мај, 2009 – 19:54 | избриши | одговори)

    #
    Lavot напиша:

    Рибар, поштувам критика на влада, на политичари, на медиуми, на Реал и Барса, на Солидност, Биљана и Политекс ама со ова:
    „агресивна „букефалистичка“ кампања на рунтавите семакедонци,“ намерно или не, влегуваш во толпата урлачи олицетворени во разни Платформисти и други цвикаторски негатори кои со типично НАЦИСТИЧКИ фрази се обидуваат да полемизираат, односно на најдолен расистички начин да ги омаловажуваат оние што имаат различен став.

    Јас сум еден од ’рунтавите немиени семакедонци’ кои сметаат дека воздигнувањето на националните чувства ќе придонесе за подобрување на политичко-економските собитија во Македонија, како што е тоа случај секаде во светот. И тоа аргументирано го покажувам и докажувам…. и за тоа можам до утре да полемизирам, но со луѓе кои не страдаат од тоталитарни нус појави, научени да ги замолчат другите со тоа што ќе им окараат мајка или ќе ги наречат рунтави Хунзи.

    А, ти се служиш со фразеологијата на тоталитарните црви од македонското новинарство, кои не можат да поднесат некој да промовира гордост и национално чувство и само влегуваш на нивната страна од барикадата, која патем речено апсолутно се сложува во сложувалката што ја компонира Бакојани секоја вечер пред да заспие….

    Најдобронамерно ова… Не дозволувај да бидеш марионета!

    Поздрав и извини за мојата искреност.

    П.С. Букефал е нацртан на знамето на апологетите на македонштината пред еден век – Македонската колонија во Петроград на Чуповски, Мисирков и тн….
    15 Мај, 2009 – 20:13 | избриши | одговори)

    #
    волан напиша:

    Само што сакав да пишам пост за тебе и за твоето интервју во Фокус … Smiling Тиниќ е минато свршено време за МТВ.

    поздрав,

    п.с. блогот во Македонија сеуште не го добил вистинското место – тој е злоупотребен од многумина … но прави вредности има по блоговите, само треба да се пронајдат.
    15 Мај, 2009 – 20:28 | избриши | одговори)

    #
    Effo напиша:

    Еве уште еден колумнист на повидок изгледа.
    Со среќа нека е.
    15 Мај, 2009 – 20:41 | избриши | одговори)

    #
    ЛУДА ГЛАВА напиша:

    оххоооо, сега и колеги по неделник сме Smiling Smiling Smiling Smiling
    15 Мај, 2009 – 21:28 | избриши | одговори)

    #
    istoчna напиша:

    пролетта така фино знае да `не потсети дека понекогаш е добро и да се згрми.
    поздрав
    15 Мај, 2009 – 23:12 | избриши | одговори)

    #
    katika напиша:

    Списокот во меѓувреме се прошири… 16 Мај, 2009 – 03:25 | избриши | одговори)

    #
    jurak OT petrof напиша:

    убаво.
    16 Мај, 2009 – 03:53 | избриши | одговори)

    #
    ГејчоЛепи напиша:

    А зошто не си кажал ништо за нас? Sad

    Геј пауер! Мwauuuu!
    16 Мај, 2009 – 04:06 | избриши | одговори)

    #
    gocajaska напиша:

    … токму така … има и творци кои творат преку истата програма и го бранат МАКЕДОНСКОТО ИМЕ И ИДЕНТИТЕТ , а постојат и такви кои го спорат или го асимилираат …
    … нормално правото на говорот не би требало да биде под цензура … но секоја новинарска куќа си го дозволува истото пред објава на коментарите …
    … дали со тоа го нарушуваат демократското право на говор ??? …
    … во секој случај и самокритичноста е многу битна Smiling …
    17 Мај, 2009 – 01:18 | избриши | одговори)

    #
    виолетова напиша:

    „Денес е многу тешко да замолчиш некого на Интенет, а уште потешко е да најдеш некого кој има да каже нешто…“ – ептен точно Smiling
    17 Мај, 2009 – 11:37 | избриши | одговори)

    #
    RIBARO напиша:

    Лавот, точно е дека се служам со фразеологија, но таа ни оддалеку не може да ја опише утопистичката пропагандна машинерија која се сервираше со страшен интензитет во моментот кога беше реализирано интервјуто (јануари 2009г.), не дека сега е нешто сменето… Тебе тоа ти се допаѓа, за мене е погубно, но народот си гласа и си одбра, тука нема ништо спорно.
    За промовирањето на национална гордост:
    Тука мислам дека е основната разлика, во промовирањето, а не во тоа колку е некој повеќе патриот или повеќе предавник. Многу се изместуваат работите во таа насока, а почитуваните ти промотори на националштината токму тука поентираат. Жал ми е што си се пронашол во погорната симболика. Инаку кога станува збот за симболите, тие, можат да бидат многу шкакливи и тоа во зависност од тоа кој и со каква цел ги (зло)употребува. Еве, земи ги пример свастиката и петокраката.
    И нема зошто извини. Тоа би требало да е главната дискусија во една плурална средина и нормална атмосфера, која јас и ти знаеме да си ја освежиме и со некое пиво.
    17 Мај, 2009 – 12:25 | избриши | измени | одговори)

    #
    RIBARO напиша:

    Лостич,, ЛГ, Источ, Вајолет, Јурак ОТ, Katika,Еффо, поз. друштво.
    Гејчо, еве за вас ти си кажал.
    Волан, па кажи пак. и да, има.
    Гоца, не ти го разбрав баш коментарот, на кого му реплицираш?
    17 Мај, 2009 – 12:42 | избриши | одговори)

    #
    hemicarot напиша:

    ха , само што прочитав Smiling Квискотека …
    тука најверојатно лежи еден малку поголем “социјален“ проблем на “социјалната“ мрежа , не може ниту да те читаат , ниту да ги читаш не-пријателите , па ти останува или да внимаваш што пишуваш или ги губиш “пријателите“ , или пак по линија на помал отпор ја користиш фб мрежата само за забава или евентуално швалерај Evil
    премногу еднородност , сакал или не нема да има квалитетна критика
    без разлика што имало “многу поголеми реакции на фб“ , како што вели дамата што те интервјуирала , не се збираат баби и жаби
    17 Мај, 2009 – 14:07 | избриши | одговори)

    #
    literanova5 напиша:

    Јас помислив РИБАРОТ фатил капиталец сом, а тој за политика зборел… Smiling Абе овие нашите капиталци толку се угоија што во светот нема како нив…
    23 Мај, 2009 – 11:02 | избриши | одговори)

    #
    шу напиша:

    поздрав, интересен дечко 20 Јуни, 2009 – 08:36 | избриши | одговори)

    #
    Natka напиша:

    Замисли дека на фб сум кликнала “Like”. Smiling
    Поздрав
    24 Јуни, 2009 – 15:32 | избриши | одговори)

  2. Да не го цитирам последниот пасус во целост, затоа што во него изнесените податоци се најзагрижувачки за мене. Дали блог заедницата се самоцензурира или стварно нема што да каже?


Sponsors

  • Лиценца

    Creative Commons License
    Овој блог - дело by ribaro е лиценциран со Creative Commons Наведи извор-Некомерцијално 2.5 Macedonia License.
    Засновано врз работата на блогот: ribaro.mk.
  • Пик

  • Категории

  • Архива